9月9會友大會後感

做唔到多說造就人話少說傷害人的話，到不如不說、多做事少說話便是了!

昨天的會友大會，我再次反思咩係應該講...咩係唔應該講，也喚醒我們要為教會肢體間溝通多多祈禱。 今天，突而其來有感動早餐禁食為教會肢體的溝通祈禱，雖然整朝工作肚餓到飛起.....但得閒一次半次....都係一種操練。

近排不同的場合，聽到很多肢體在有意無意間被傷害得很深很深，石蔭家係時候復興了，不能再讓它傷害我們肢體的關係，影響我們的合一，不能單用人的軟弱、感性說話，多說造就人的話，其他可以講少d的就唔駛講，讓(肢體間)神的家再次充滿愛，願神教導我們。

靈修分享 ~ "橫眉冷對千夫指"

"市井聖徒"今日討論到如果做一個智慧之子呢? 當中題到做基督徒難。當了基督徒後，身邊所有眼光隨即不同，一舉一動、一言一笑，皆受人用銳利的眼光看待。我們頭上的光環要有幾多Walt數先滿足身邊人的基本要求呢? 相信無番100幾十W都難免被人收貨。

當中討論到，我們應該重視真理而行、討神喜悅，還是重視人的認同呢? 相信不用我去開估，反令我深思的係令一個重點，我們是否不覺地用尺量度我地的自己友(身邊的弟兄姊妹包括我們的牧者)而過於重視我自己對真理的實踐。

相信對別人的評價，我們永遠不會說難，甚至一些弟兄姊妹我們經常的拿來評價，我們的牧者、導師、職員、擔任相關事奉的人....難道我們忘卻他們也是和我們一樣，每天每刻同樣地面對困難、挑戰、試鍊、甚至試探，是有血有肉的人嗎? 我們要做的係更多的支持、為他們代禱，而大大減少無謂的評價，"竭力保守聖靈所賜合而為一的心"、更重視我們自已對真理的實踐的心、更討神喜悅! 讓人分辦出我們是屬神的、爆曬WALT數.....因而做到"橫眉冷對千夫指" ^.^

他決定走了! >_<

今日全日成個人都空白了，知道他將要離開，身上好像少了一部份一樣。
十一年la...自從我剛剛返來，他已經存在。
他不單見證我的成長，更是親身建立我的成長。
當聽到這個消息，我心中說不出話來。
回想我們一起的片段，不單是回憶而已，好像身上的肉一樣。

還記得初信時，你教我靈修，還送給我靈修筆記。
還記得我有次生日，你免費請我食麵。
還記得你的教導、你的辛勤、你那本破舊的堅經。
還記得....還記得....還記得.....

我明白你的.....我明白你的.....我真的明白你.....
我不能自私的，把你留下來。
我知道你的痛，比我們還痛。
我只能說多謝你，天父必看顧你! 我會為你們祈禱!
我信神，祂仍然作王、永遠掌管，直到永永遠遠!!!

不能說的mi mi !

今日終於去睇左...<不能說的mi mi!>，聽到有d人之前話無謂la，唔會去戲院睇，點之佢同另一半睇完話OK，唔錯Wor! 真攪笑! 又聽到有d人話會睇，因為唔同原因....

我就無理佢地，一於少理。我覺得個story應該OK、關於Music、個女主角做戲幾好...我就決定左一定要睇睇。

之前期望睇完之後應該會有d感受、思想......唔知點解，腦海裏好似一片空白...係我比以前麻木左、理性左...我真係無咩特別感受...睇緊的時候都諗到很多野...好奇怪睇完之後...唔知點講好!!! 我好少睇完戲有呢種感覺...未解決，令我有d煩躁、不安ar!

8號仔風球打得好

今日係我正式番工一個月，8號仔風球打得好! 返工第一次打風，好興奮。

今日大家私底下番工的節目，就係會唔會打8號仔走得。lunch前重講緊無可能，重有敢遠，掛個陣都番左屋企la。誰不知8號仔敢叻，大家買飯番公司食緊之際已經來到。HAHA...我D同事飯未未食完...就知道走得，總話飯都未食完...點算好呢??? 佢其實係最想走個個。

我地有個同事係有左亞B、我地成日叫佢B媽....佢真係幾攪笑，完全唔次有BB，放工追巴士、咩都食、身形都唔似除左個肚之外、我地今日叫佢走LA....佢總左手拿住可樂，右手拿住袋同"縮骨姐"。你地話出面打緊風WOR...你會唔會太過當無事呢...B媽? 佢太攪笑LA...好似完全唔放亞B係度敢。返到屋企...唔駛講"訓覺"，重有聽住DVD 版BEETHOVEN VIOLIN CONCERTO in D Major,op.61，great JOB! 係我好喜愛的VIOLIN PIECES之一!!!

無悔一生?!

如果而家有人問我，你覺得今生無悔嗎?
我可以立即回答，我無悔今生! ^.^

原因好簡單，我呢幾年每一刻我都做好了上帝俾我的角色，我非常珍惜我的眼前人和事。
我負上全力百份之二百愛我身邊的人，過於愛我自己、無論你愛唔愛我，我可以講，我全完的愛你。
蒙神的揀選，我有美好的事奉，我已將我美好的年少日子最寶貴的年日奉獻與神。
我好好好享受而家神賜俾我的每一餐、健康的身體、溫暖安全的窩、健在的家人、
唔影響教會生活又有收入的工作、身邊我愛的人、帶給我每天無限滿足的音樂
以及最重要的係我此刻有平安、喜樂、盼望在我心。

當然，不等於我已經夠了，已經毫無要求了，我有很多會繼續做、我相信可以做得更好。

閒寫

近來好似過得很平凡、其實過得不平凡。發生了很多大事、經歷很多的困難、但又一一的誇過。可謂經歷甚麼"平凡中見不平凡、不平凡中見平凡"。講番出去、身邊的人都話原來個個星期見到你、都唔知你發生左敢多事，真要多謝當中幫助了我的你。感謝主賜給我，每天感覺新的一天。我也不敢相信、我都一一勇敢"崖"過了。

每天搭巴士返工，我望著天藍色的天空，大小、形狀、神態不同的雲在移動，好像向我訴說每一天皆充滿新鮮與盼望，耳邊聽著傅聰彈的Chopin piano Nocturnes....，充滿詩意，心中百感交集.....想起很多人和事。回到辦公的地方，努力地完全一天的工作，便搭同一架巴士，回到家裏，享受勞動而得的果子.....靈修向神閒談一番，進到夢裏，準備迎接新的一天....沐浴在每天新的盼望當中，這段日子，心靈飽足了，感覺真好^.^

參觀國之重寶~清明上河圖後感

一個月前，興之所致，便買左ticket睇<清明上河圖>，排期到今日亦係last day終於有得睇。其我完全都係出於八掛下，諗住見識多D。

睇完後的感覺，就係都好難得同值得。原因有3：
1ST：幅晝原來已經有一千年歷史，長5米，內容仍然清晰可見，難得。
2ND：幅晝真係細緻、精巧、內容包羅萬象，廣闊；一樹、一木、一支船杆、共814人每一個的神態、身份各有不同....連我呢個外行人睇完都覺得歎為觀止，一個字妙。
3RD：幅晝很老了，需要長期休息，今次只在香港展出，而且可以超近距離1呎之隔去觀嘗，曾觀嘗者包括清朝乾隆、嘉慶、溥儀皇帝，對上一次展出已是1903年於上海、佢地重係遠離幾呎敢睇又光線不足、吓等於唔睇過....下次展出相信已是60年後了，我都唔知返左天家未。

走時重有迷你版<清明上河圖>，有得睇、有野送，我最鐘意.....HAHA

宣道會聯合宣教慶典2007

今日下午團契週會去左東涌國際展覽館參觀關於宣教的攤位，普通無野睇。完左團契時間，可以自由選擇參唁參加晚上的聯合宣教慶典。入開黎我就選擇留係個度參加埋聯合宣教慶典。無實無咩特別動機，志在身為宣道會的會友，應該參與一同感恩。

當晚Assume所有來自105間宣道會堂會的弟兄姊妹一齊參與、唔過萬，都有幾千幾，一齊同心讚美神，埸面都幾感人。有d位都幾感動，宣教士的經身見證同，信息時間，聽到原來全球每日有一半人收入不足US$2，每日有8億的人不能嘗飽的滋味，莫講話能認識福音。自己原來真係身在福中之福，每天都能溫飽，更有著永生的盼望了，好深的提醒。

愛的體會

"愛"的功課，好像好簡單，同時間又是很複雜。我的體會就是，要"愛"首先要願意"付出"、"犧牲"、"受傷"，有了這3方面的打算，便不難真正的去愛。

"愛"要先願意"付出"：好似好簡單，其實一d都唔簡單，人是渴望有回報，不論做一件事或愛一個人都希望得到回報，或者說負出希望無白費，可是有這樣想法的人，好難真正的愛，愛得唔夠放、要豪d。結果如何，我的體會就是、無人掌握，我只有學習交托神，我會盡力作我可以做的。

"愛"要先願意"犧牲"：每個人都有自己愛的人/東西，如果是真正的愛，當時人不覺得是犧牲，對於旁人觀看可能是犧牲、浪費光陰、心機、時間、一霜情願......一切都好似好正確，但我覺得其實是錯誤、並非當局者迷，完無犧牲的愛，當中沒有經過洗煉，每當經歷不同的考驗，便會有危險。再者，能找到人生值得你去犧牲去愛的人/東西，有能堅持的，一d都唔容易。

"愛"要先願意"受傷"：我覺得這是愛最精彩的地方，若然一個唔願意受傷的人，那人永遠都體會唔到咩係真正的愛。因著怕受傷，永遠唔敢完全的嘗試去愛，很自然是啟動自我保護程式，最終的結果，可能錯過很寶貴的機會，或永遠活在自己認為理想、安全的境界，其實十分可卑。這樣便完結他的一生，亦是唯一的人生。

靈修分享 ~ 與神摔咬

近幾個月我都有keep住用團契一齊買的靈修書市井聖徒靈修，透過這本書，我好像成長了。更認識神的想法，神亦用祂自己的說話不斷的安慰、鼓勵我。

今晚的靈修文章好喜歡，係(創32：22-32)。講到雅各同神摔跤，以前睇呢段經文無咩感受。但我今晚睇另有一番風味，好精彩。背景係雅各要見番自己虧負過的哥哥，前一晚上，整夜難眠。突然有一人走近，出於自衛，便與這人摔跤，最後才知是神。那人把雅各大腿窩摸一把，突然爭持不下說"容我去吧"--使雅各醒悟，對方強勇為何突然退出。神最後為雅各祝便離開。

這經文背後的信息很好，我們心中會有兩個律，一個是神，另一個當然是我們，我們好多事會禱告神，好像與神摔跤。我們習慣了神按我們心中設定的偶像來作我們的神。但神好多時緘默卻是想驅使我們追求真正認識祂，祂想我們放下支配性的禱告，改為以敬以誠的態度聆聽祂的聲音。 神太美妙神奇，祂把雅各(我們)大腿窩摸一把，流下痛的記號，同時亦為我們送上祝福。

尋找人生的意義!

剛剛返左工一週了，正式開始了參與 大家的工作，同事都好好，俾我做d簡單d d 的工作開始，由淺入深，做左一年的同事，比較起來俾我的感覺佢已經好熟手。我只有將d STEP一步步抄曬係筆記簿，作為秘笈，因為實在有太多STEP，不過尚算應付到。

呢幾日，發覺自己經常開始諗前路的問題，自己可以係度做幾耐呢，進升機會好嗎?3-5年我後會去到咩POSITION等等....好似太快諗定，但我是一個對將來有了目標，才能完全投入做一件事的人。同時間，諗起耶穌講過: "所以不要為明天憂慮，因為明天自有明天的憂慮，一天的難處一 天當就夠了。所以我告訴你們、不要為生命憂慮、喫甚麼、喝甚麼，為身體憂慮穿甚麼，生命不勝於飲食麼、身體不勝於衣裳麼。(太6：34-35)"

想起耶穌的話，作為一個基督徒，我應該諗更想念屬天、永恆的事。所以我轉移尋找人生的意義! 呢個問題好值得諗，雖然知道要追求屬天、永恆的事，但總覺得做不到，屬世的事亦是切身的問題，在地上的日子，我應該如何數算，好好運用神俾我的日子、好好運用呢? haha，需要好好同神針針，好好認真聆聽聖靈微少的聲音。

The Moive ~ For Horowitz

近幾日睇左套一直好想睇的moive ~ "FOR HOROWITZ"，中文名係"奏出我未來"。我其實更加喜愛佢的英文名。可能無咩人知，"HOROWITZ" 其實係一位超級有名氣的已故古典鋼琴家。也是一位我非常鐘愛的PIANIST。

講番套戲，其實係講一位鋼琴老師遇上一位鋼琴天才的故事。我很喜歡當中的內容，每一幕都帶俾我有很多的感受同反省，不能一一言喻。特別，最令我產生共嗚的係她們的相處，戲中的鋼琴老師對那位學生真摰的負出和栽培，令我想番起過往與鋼琴老師MISS CHAN CHAN學習時的所有片段及回憶。感謝神，沒有你的恩典，我就唔會有機會跟老師學鋼琴。

另一方面，睇完呢套，令我繼續尋找前面學琴，學音樂的方向，我無諗過要放棄它，因為音樂早已為我生活的一部份，只不過，現實實在有很多關口要沖破，希望我能早日確立好清楚的目標。

3rd working day

今日係番左工的第3日，整體印象都幾好。呢3日知道左...自己條team的方向，了解左而project 的scope, goal. flow ....呢3日睇左d 將會用software 的manual 同做左d tutorial ...開始慢慢摸熟下個software 點用; 之前都未用過呢個software....叫"Informatica"完全陌生。都幾好，呢幾日俾我可以慢慢學下野...今日我request左...聽日應該可以正式參與下佢地的工作， 要加油，努力ar !!!!

今日lunch 重同team的Director食lunch，原來是一位打扮都好時代性的lady。見佢之前都有d緊張因為...連男定女都唔知。結果總坐係佢隔離，總算無失言，HAHA!!! 一額汗。

1st Working Day

新的開始，新鮮Ｄ，轉下個temple先，無轉成年la!! 亦係帶俾自己新鮮感。

今日一早就番太古簽約...感謝主，順利非常。簽完曬D 野...就去番HOUSING AUTHORITY 正式做野。 上去時有D緊張，竟究會係點呢... !!!

The answer is better than my expectation!!! The Compeers were very nice and helpful!!! Today I knew the goal, target, flow of our project! They gave me serveral clearly briefings! Thank you for them.......!!! Then, I started to read the tools' manual and tried to using the tools by following the tutorial!!

總括今日，好的開始，明天、後天.......加油!!!

明日之後

明日之後便簽約、正式返工了，心情興奮、緊張、又少許的擔心。我諗這是十分正常的!

今日參加了好好的合團活動，約左輝爺同約瑟的大V、鄔頭去沙田新城市行商場、買野、最重要我們有一致的目標"歎冷氣"。 HAHA...個度D 冷氣好正。 加上我要買D 恤衫、西褲裝身番工。 講到裝身返工、輝爺確係專家點可以唔"遇"佢幫我AR。 今日學左唔少裝身秘笈。佢帶我到訪各個去得過的目的地...."PLAYLORD, G2000, 馬莎....." 多謝輝爺!!!

行完、買完我地去左UA買睇DIE HARD 4.0 ...等問場醫飽個肚先。最後"包剪拳" 的方法，聽我講去左大家樂試"佢個新鐵板餐"，結果懷著失望的感覺食完就趕去入場。睇完套戲令我地忘記頭先的失望。睇完再去食個野，因為好快就肚餓LU，見識左咩叫"潮式咸豬肉"---堅。

每天每刻獻上為你

神你聖潔 當得尊貴 內心歡呼拍掌
今我全屬你 我的主

神你帶領 恩典經過 內心感恩喝采
今獻上為你 屬於主

我要每天每刻都讚頌 你是神
你施恩典 你手相牽 令我滿有信心
我要每天每刻都讚頌 你是神
獻出一生 交於主你手中

新的挑戰，新的開始!

“只要信、不要怕!" 感謝神! 終於找到工了。下星期2 sign contract! 呢份工的job nature好有挑戰性、會辛苦d。雖然怕，但可以handle D 大project，學多d野，見識多D! 所以選呢份工。

之前，有份更好salary又好benefit的工，我推了，因為又六、日都大機返唔到教會，詩班更加，重要返night shift。在這段日子，很辛苦，但一直擺上信心，只要信，不要怕。知道神你總唔會令我失望。

縱然好似有D "underpay" ，但由interview到而家不斷祈禱，都有順利，相信神的帶領。相信只要盡力，在人睇為可能係"underpay"，在神眼中"我是寶貴、有價值的" 我會努力做好呢份工。

此刻的心情，又怕又驚又喜，面對新的挑戰，新的開始，只知道要更更............加加..............尊心倚靠主，只要你與我同在，我便有力量。

自強不息! 因為惟有主站在我旁邊!

<誰能明白我> 詞：鄭國江　　唱：林子祥

昂然踏著前路去 追趕理想旅途上
前行步步懷自信 風吹雨打不退讓
無論我去到那方 心裡夢想不變樣
是新生　是醒覺 夢想永遠在世上

前路那怕遠　衹要自強
我繼續獨自尋路向
常為以往夢想發狂 耐心摸索路途上

懷自信　我永不怕夜航
到困倦我自彈自唱
掌聲我向夢想裡尋 儘管一切是狂想

途人路上回望我 衹因我的怪模樣
途人誰能明白我 今天眼睛多雪亮
人是各有各理想 奔向目標不退讓
用歌聲　用歡笑 來搏知音的讚賞

懷自信我永不怕夜航 到困倦我自彈自唱
掌聲我向夢想裡尋 儘管一切是狂想
昂然踏著前路去 追趕理想旅途上
前行步步懷自信 依照心中那正確方向
懷著愛與恕的心 充滿夢想的笑匠
用歌聲　用歡笑 來搏知音的讚賞
　

玩了一天

　　今日係回歸翌日紅假，我起身就問亞哥有咩做，不如一起找野做，出去玩下。最後，我地就同佢d..教會friends 去左奧海城食野同睇”史力加３”。老實講，我都無睇第１，２集，又一次一睇睇第３集，唔係第一次。經常係敢，無咩所謂。不過，話說回來，套戲ｏｋ幾攪笑，睇完幾開心。

　　我唔係一個好經常會去戲院睇戲的人。因為1st: save Money，幾十蚊睇場，租蝶睇都ＯＫ，重可以俾埋爸媽睇。　2nd: 我唔係超級戲迷，唔係很多戲吸引我去睇。

　　今日，重有額外收獲，等開場，去左大眾書局行下竟然無意間找到隻”梁祝 + 黃河鋼栛”ＣＤ，吸引之處係隻ＣＤ寫住”１００％香港制造，開心價＄１５蚊”。離曬譜，其實好可惜。我當然立即決定買左佢。呢兩年，接觸多左中樂，好好聽，特別喜歡聽”黃河大合唱”和”黃河鋼栛”也對自己貴為中國人的身份，自豪感大了，我以自己係一個中國人，流炎黃子孫的血，感到自豪。

雙重喜事

近兩個星期日我都無返自己教會崇拜lu，感謝神! 因為上個星期日我去左我亞哥的教會睇佢受洗，家中終於多了一名受了洗的基督徒。當我聽到這個喜訊時，心中的喜悅，非筆墨能形容。全是神的親手工作。崇拜後，有機會再一家四口影全家福，幾年無影lu。近排多左祈禱，希望父母都也可以有一日信主。

接著，今日主日又到我表弟受浸....我當然又要去觀禮。雖然是對面海，撲都要撲去la! 表弟的教會好大間有我喜愛真正的Organ(管風琴)，在這樣的音樂氣芬下唱詩歌讚美神、崇拜。樂在其中。完了崇拜後我當然忍唔住要同部Organ(管風琴)一齊影相留念la，當然無忘記同表弟影相。之後重去左表弟屋企打WII 遊戲機，唔錯幾好玩WOR!

兩星期都去了不同的教會參加崇拜，認識唔同的崇拜模式，獲益良多。

你要專心仰賴耶和華，不可倚靠自己的聰明

"你要專心仰賴耶和華，不可倚靠自己的聰明在你一切所行的事上，都要認定衪，衪必指引你的路。 (箴言3:5-6)" 呢句係今年團契的團訓。實在好有意思，我近期都係思想、實踐這金句。

感謝神，今日完左團契，參加了青年部攪的(工作、戀愛、家庭)talk(雖然我是少年部的)。要 3 choose 1，緊係聽"戀愛"，我覺得這是較困難的topic。

Ming姐主講好鐘意聽，好好的屬靈長輩。過程無講lor，總括感受好多得著。近期不斷學習"凡事相信"的功課。開始有d果子，今日再次學習了"你要專心仰賴耶和華，不可倚靠自己的聰明在你一切所行的事上...." 。DETAIL 唔講，講重點。

FIRST: 要明白基督徒vs一般人戀愛目的的分別，THEN: 在戀愛前，就要建立"健康的自我價值觀，與神建立親密的關係，讓神居首位、操練穩定的個性、認識愛情的條件"，AFTER THAT: 了解"戀愛的原則，常犯的毛病"，LAST: 學習"如何等候神/明白神的心意?"

講得好好，我會好好學習以上各大點，更重要好好的、更多祈禱神。這是我要學習的功課^.^! 覺得以上有些原則應用在其它層面一樣WORK，如工作、家庭、事奉..........等。

沾沾自喜

今日終於有第三次job interview。 The post is "IT Consultant"。HaHa好似幾勁敢......所以我昨晚都做多左準備，不斷的為這次祈禱，希望有好d的表現。今次呢間都算大公司，全世界有大概27,000員工，handle好多世界的大business project。

Interivew 完後有d沾沾自喜、有d滿足感，係我近期interview表現得最好的一次。神俾我順利的讓我深入的介紹自己一次，haha個Interviewer讚我做project有心機、興趣廣泛。個Interviewer好nice，完左重送我出門口，好欣賞佢的態度。

雖然，未知最後佢會唔會請我，但我今日interview得好開心、好舒服、好順利、好平安。多謝神，讓我有敢美好的經驗，一切都是出於神。

但我仍選擇做好人!!!

好耐無動力再寫blog了，login時竟然連自己的username和password都忘掉了，感覺好像已經好久忘掉了自己一樣；但前兩星期發生的一件好像是神令我再次重拾自己的事。

事情其實到而家我都唔明白會發生，唔通神遍遍要我一生成為好人，不能逃避。我呢兩星期都將這事埋藏俾自己的心處，從未向任何提及過。

這事發生在一日的下午3點幾，個日31度，我照常返教會練琴，自從完成曬大學的野都是這樣。落到樓下一路行一路行，誰知突然遇到一個講英文的外國人問路，我咪答佢law﹔奇怪的事開始發生，我答完佢呢到係邊度，我主動加左句"What can I help you?"，跟住佢一路用好快好急的英文同我解釋佢發生咩事，我都聽唔切，我只聽到佢講佢有ga車不過d錢同所有野都lock左係車，但個晚7:30到就要趕住去機場上機去馬來西亞。好想問我借d錢，我諗左一諗，敢奇怪都有，好似拍戲。我就話後面就係police office，你不如去報案，等佢地幫你。佢話我去左兩間police office最無用，唔受理，police話"Because it is not a permanent case, I can't help you!"

我再諗好la，幫下佢la，好似真好慘敢! 諗住借d錢俾佢搭車，重帶埋佢去MTR station。好人la ma，點之行行下，佢話我一來一回好耐先去到機埸，你可唔可以借total HK$400 俾我，我一定會還俾你，DON'T WORRY! DON'T WORRY! TRUST ME! 講到呢到我諗十個有九個半的人聽到都會SAY NO and then say BYE BYE sorry I can't help you!

但奇怪的事再次發生係我身上，結果我SAY YES, OK I HELP YOU!!! 我打開銀包我全副身家就係HK$420, CRAZY MA ! OH MY JESUS !!! YOU ARE SO COOL!!! 我就將成副身家借左俾一個我從來唔識、未見過、未聽過的陌生人身上。只從心底懷著一份信心，神的愛、幫助仍上世上、祂在天上掌管一切。我心裏無理甚麼"佢真係會還嗎?" , "幫人、為我愛的人付出我已經忘記左會有回報、經驗話俾我聽，NOT controlled by me!"

結果佢會唔會找我還錢，我已交托神了。唔重要，我好像充滿信心的借，因為我信我的神。真正的結果，下回分解。

這次次件，我發現我原來真係個好人。好到敢樣，HAHA!!! 心裏另一面想著好人的結局會係咩? "好人無好報", "好人永遠是孤獨，我的想法有誰人明白，只好埋藏心裏。", "說不盡的話在心底裏!"。但我仍選擇做好人!!!

"UNIQLO" 牛仔褲....平、靚、正!!!

今日同亞昇出左去尖咀掃賀年貨! 我今次的目標係新牛仔褲。最後去左尖咀的 "UNI QLO"掃左2條牛仔褲....平、靚、正!!! 我幾鐘意無論佢的cutting、洗水都合我近期的心水。

原價$399/@--> $299/@ --> 最終$200/@ 成交。無諗過以敢的價錢買到敢OK的褲。 真係打破"平野無好、好野無平"的傳統。 我覺得LEVI'S 而家d 質數同佢d褲的價錢有d不成正比。"UNIQLO" 係上上之選! HAHA...一直完全唔係呢皮的我突然好似變成專家!!!

2007新年有新鞋著!!!

今日朝早返完cityU, 下午就同Local Ryan, 亞BEAR同BRYANT 去左旺角買鞋, 終於買左自己想買好耐的Coverse "JACK PURCELL" 系列的全白色!

係旺角諗左好耐究竟買黑白好定全白好, 最後係揀番我最喜愛的白色!! 真係好靚! 我好鐘意! 希望著耐D, 唔好敢快污"租"。 太好LA, 今年新年有新鞋著!!!

Full gear 足球賽---爽!

今日返午堂及獻詩..後! 下晝繼續精彩, 午堂後學琴; 學完便立即出發入東涌國泰城踢波, 入到去時間剛剛好; TOMY剛剛放工。佢帶我地入去更衣室換full gear。HAHA...歐洲幾大球會齊曬: 祖雲達斯,曼聯, 利物浦,阿仙奴..。 5點正開波...lor--> 7 點正終於完場。室內5人場有冷氣正。之後返更衣室個個沖個靚涼, 無得頂! TOMY 有機會可以再book。

之後出番東會城食金暹邏泰國菜館食同Sky慶祝生日。個度d野食size夠大,同埋都好好食。有4個8ho 指數^.^,值得再去!

8ho的思想體驗報告

魅力（Charisma）： 8 待人氣度與手腕
理性（Senses）： 6 歸納與推論的邏輯概念
感性（Sensibility）： 8 情感與美感的靈敏度
深度（Sophistication）： 8 思考的深度與透徹度
社交（Socialization）： 6 於社交活動的接受度
熱情（Passion）： 6 自動自發的執行力
知識（Intellectual）： 5 學習與知識的駕馭潛能
樂觀（Optimism）： 8 積極與進取的思維
悲觀（Pessimism）： 4 消極與保守的思維
責任（Responsibility）： 6 規劃與受託的潛能
領導能量： 68 你領導才能普普，屬大將型人才。
社交能量： 70 你喜歡社交活動，但對其也不是非常重視。
思考能量： 72 喜歡動腦，只是思維深度還有進步的空間。
鬥志能量： 64 不嘗試怎麼知道自己不行，對不對？
藝術能量： 62 你的藝術才能並不差，應繼續進修培養。
科學能量： 63 注意自己，不要被意識形態牽著鼻子走。
創意能量： 68 想要有創意，先從建立自己的觀點開始。
靈感能量： 65 靈感來自於敏銳的觀察力，多觀察社會現象。
戀愛能量： 72 雖不是大情聖，但是也是有自己的一番浪漫情懷。

優點：
頗有自信，不達到目的不會輕易放棄。
順其自然、性格中庸、單純，做人處事以和為貴，容易與人相處。
對現實社會抱有不滿，心中藏著一份對理想世界的憧憬。
有強烈的道德感、為人付出不遺餘力。
求知慾強烈，能將所學運用自如。

缺點：
理想主義者，作決定欠缺實際利益考量。
做事缺乏長遠的計畫，難以站在指揮的位置上。
缺乏遠見、欠缺責任感與危機意識，
應學習先思後行以免因為做了欠缺考量的決策而吃虧。
會因為一時衝動而鑄錯。
容易因為太專注於工作而忽略週遭人的感受。
墨守常規、拘泥於傳統思想。
會因為能力強而高傲、看不起光說不練之人。

<不要作糊塗人>

今日一起身食完lunch就去荃灣幫人補習, 行到荔枝角地鐵站先發覺唔帶銀包、連8達通都係入面。大獲已經唔無時間返屋企又無錢。立即祈禱la,同狂睇下身上同個袋有無d錢。感謝神個散子包係度, 打開得$ 6.2 。oh..NO!!!!!!!!!! 計下平時坐開的方法都要用$ 6.5 。諗諗諗.....終於諗到去荃灣再轉車...用$6 就可以。
超無奈, 補完習就同補習學個媽咪借$20。 之後返左cityU 還番隻李雲迪DVD (到期la) , 去到又一城諗諗無銀包連學生證都無點入library還呢, 一心諗住試一試la.. , 隻DVD 有cityU 個LOGO , 應該俾我入去的。感謝神, 個secur. 最後都俾我入去還。之後係又一城入左陣cd 鋪就番屋企食飯。

去到荃灣得番$3.2 返到屋企重有$9個半

朝8晚10

今日朝8忙到晚10...!
8點就起左身, 8:30am 返到教會詩班練歌; 練完歌去左食早餐; 到11:30am 午堂崇拜同獻詩、今日獻個首叫<靠主誇口>、好難ar、d音都唔係太熟、又轉調、又轉唱唔同聲部、不過都盡左力la、相信會悅立、因為神更睇我地個內心多於技巧。 完 左午堂又去左合興隆食lunch(個個wk. 都係敢>_< )、不過今次唔同, 係同馬可團食, 一人不能分身, 便雅憫坐隔離。

之後, 2:00pm 就約左約瑟係和宜合道體育館打籃球。好好的一次合團打波, 快上快落, 打左只係一個鐘, 已經超累，林姑娘同輝爺都有去睇。 打完就上左智鋒屋企, 佢地睇賭聖VCD，我就一於"訓"陣、因為之後重約左馬可團睇戲 。

6:00pm, 就去左荃灣廣場join返佢地。去到都嚇左一跳, 因為係今日再一次合團活動, 而且一次比一次大型。今次差唔多由安得烈到以利沙團都齊(雷樂恩、麥耀天、馬可團、便雅憫choi sir......) 。好攪笑! 應該有成16人到。黃生的號召力, 勁! 套戲兩個幾鐘都幾長, 都係睇特技la。睇完出戲院, choi sir 即刻教書，同學生們講"其實套戲有好多位唔係太合乎物理, 等我話俾你地聽" haha.. 教書上癮la! 之後分批送佢地搭車 ,先返堅企。已經10點幾lor !

Piano Master Class by Krystain Zimerman

今日好榮幸參與左國際知名鋼琴家Krystain Zimerman係演藝學院開的鋼琴大師班。我都係第一次參加鋼琴大師班。因鋼琴家會係大師班到親自指導一d有一定鋼琴水平的學琴者。平時d的大師班最平都要俾數百蚊甚至過千蚊去聽一次。而且驚聽明, 所以我都無諗過敢快會有機會聽。但今次有free ticket去聽, 實在太榮幸。今次主講重係我好喜歡的鋼琴家。^.^
雖然領會唔曬Mr. Zimerman今日4小時講的內容。但今日聽完都有一d的體會同得著很多; 以下係我記得佢大約講過的重點:
* Projection to the audience
* Changing the color of different chords
* Don't only play the notes on the surface of keyboard
* Playing the notes at the bottom of notes
* Put the power to the first joint of the fingers to play the notes
* Must enjoy yourself while you playing the piano
* Use the heart to feel what you playing
* Playing the notes shiny and dynamic not equal to the notes loudly while let the audience of last row to hear the notes
最大領受係平時練琴到真正表演要用心、耳練琴、彈琴, 不是靠用手練、彈。著名已故鋼琴家Glenn Gould就講過:"人們彈鋼琴時用的不是手, 而是大腦。" 我實在講得好好! 我都要大大改變下自己的練琴方式。總之, 今日獲益良多。^.^

夜晚重去左荃灣影相同apply 知能身份證。原本無appointment, 6:30pm去到先book, 8:30pm 先到我。一個人係荃灣行左足足兩個鐘，行到腳都軟!! 食下煎爙3寶、去圖書館借下CD、係新挪亞書局睇下書; 時間好快過!! 兩個wk. 後就有新id card。yeah!!

KRYSTIAN ZIMERMAN piano recital

今晚係文化中心聽KRYSTIAN ZIMERMAN piano recital。大師風範不愧大師風範。d ticket 今次貴d,但都值得一睇。我以前只聽左佢d CD (Schubert- Impromptus and Beethoven Piano concerto No.5 with famous conductor Leonard Bernstein) 就欣賞左佢。呢兩隻都係我好鐘意的CD。今次有機會親身睇live, 太開心la, 機會難得。唔知幾時先有得再來。佢的鋼琴音色無得頂, 部3角琴都係佢私家, 去到邊個國家帶到邊, 但唔知係咩原因, 今晚聽到的琴音"ma ma" 地, 唔通真係關個位事? 未諗得明!! 但睇完已經好滿意。
今晚個program detail:
Mozart - Piano Sonata in C, K330
Ravel - Valses nobles et sentimentales
Gershwin - 3 Preludes
Chopin - Mazurkas, Op. 24, Piano Sonata No. 3 in B Minor, Op. 58

迪華特與李傳韻！

今晚去左尖咀睇迪華特指揮香港管弦樂團同violist李傳韻的concert。今次3首都係Tchaikovsky的曲目。3首我以前都未聽過。 分別係:
1) Eugene Onegin: Polonaise
2) Violin Concerto in D major, Op.35
3) Symphony No.5 in E minor, Op.64

李傳韻拉violin，hehe又可以見到佢，佢真係好可愛。佢其實好有實力，可惜我諗因為佢名氣不夠大。所以今次無咩高官來睇。

講番個concert, 第一首Polonaise 輕盈燦爛，短短十多分鐘到。好似呢場音樂會的前奏一樣。

到第2首, 眾人期盼的李傳韻出場la。haha，佢一直都好少著踢死兔，今次著的唐裝背後有個很大的標誌十分攪笑，唔知係咩，我諗可能係soponser。3個樂章都十分深情。有幾處Violin solo 的沉思片段。

放完break, 到柴5。之前，只聽過柴6，未聽話柴5。開場前心諗可能感受不會太深。點知係今晚最深刻的一首曲目。
1st movment: 先刻晝出"聽天由命"的態度, 作曲家形容得貼切, "低吟、質疑、責難" 隨後十分柔和。此段好像寫出柴可夫斯基同米裕高娃婚姻的寫照。這段不愉快不足3個月，便終止。柴氏在此曲中表達出自己最強烈、深刻的情感。
2nd movement: 故事仍未完結, 開始由French horn奏出優美的旋律，單單一支的horn，再加上數十把Strings(Violin,Viola, Cello, Double bass) ，十分感動。作曲家在旋律上寫著"噢! 命的我多麼愛你!" 此段旋律徹底刻晝出人世間的愛。之後樂團又不時再一次repeat 1st movement"聽天由命"的樂段，整個2nd movement 充滿著溫馨的氣氛。
3rd movement: Bassoon 加上Violin的staccato，感覺幾輕鬆。
4th movement：woodwind 十分動人, Oboe、Clarinet 、 Bassoon、Flute亙相交織。隨後音樂漸漸推進，邁向宏偉的高潮。樂團的合奏令我感覺到之前的"低吟、質疑、責難" 真的好像一掃而空。

完場了, 全場拍手不停。真的一場很精彩的concert。